Cəlilabad rayonunun Alar kəndində icra başçısı Rafiq Cəlilov fermerlərlə görüş keçirib. Bu haqda məlumatı Cenublu.az bu gün, 9 dekabr tarixində verir.
Tədbirdə, həmçinin icra başçısının birinci müavini Qalib Xudaverdiyev, Suvarma Sistemləri İdarəsinin rəisi Xanlar Mirzəyev, Alar kənd inzibati ərazi dairəsi üzrə nümayəndə Dəyanət Əskərov, Bələdiyyə sədri Bağış Mustafayev və fermerlər iştirak ediblər.
Görüşdə qeyd olunub ki, rayon ərazisində suvarma işlərinin effektivliyini daha da artırmaq üçün su kanalları lildən və kollardan təmizlənib. Nəticədə suyun ötürücülük gücü artıb, həm də su itkisinin qarşısı alınıb. Cari ildə Muğan torpaq kanalının 620 metr hissəsi beton üzlüyə alınıb, bəndlərin su ilə doldurulması və suvarma işlərinin effektli aparılması üçün Bolqar çayından əlavə kanal qazılması da nəzərdə tutulub.
Daha sonra kənd üzrə əkin sahələrinin suvarılmasında problemi olan fermerlərlə geniş müzakirələr aparılıb.
Sonra rayon rəhbəri Alar kənd kitabxanasını ziyarət edib.
