Astara Rayon İcra Hakimiyyətinin başçısı Qəzənfər Ağayev Hamoşam kənd inzibati ərazi dairəsi üzrə nümayəndəliyinin Toradi kənd sakinləri ilə görüşüb. Bu haqda məlumatı Cenublu.az bu gün, 15 dekabr tarixində verir.
Qəbulda sakinlər kənddə qəzalı vəziyyətdə olan elektrik dirəklərinin dəyişdirilməsi, yeni tikilmiş körpüdə işlərin yekunlaşdırılması, ünvanlı sosial yardımın verilməsi, kəndə əlavə elektrik montyorunun verilməsi, nümayəndəlik ərazisində poçt şöbəsinin bərpa edilməsi üzrə müraciətlər səsləndiriblər.
Qəbul-görüş zamanı sakinlərin arzu və təklifləri dinlənilib, irəli sürdükləri məsələlərin həlli ilə əlaqədar müzakirələr aparılaraq tədbirlər müəyyənləşdirilib.
Görüşdə, həmçinin rayonun idarə və müəssisələrinin rəhbərləri iştirak ediblər.
