Astara Rayon İcra Hakimiyyətinin başçısı Qəzənfər Ağayev Vinq Çun kontakt üzrə Dünya çempionu Axundov Məhəmmədəli Ceyhun oğlunu qəbul edib. Bu haqda məlumatı Cenublu.az bu gün, 9 sentyabr tarixində verir.
İcra başçısı görüş zamanı Məhəmmədəli Axundovu Fəxri Fərman və qiymətli hədiyyə ilə mükafatlandırıb.
Qeyd edək ki, çempionumuz 2008-ci ildə Astara rayonunun Ərçivan qəsəbəsində anadan olub. 2013-cü ildən idmanın uşu-sandu növü ilə məşğuldur. 2017, 2018 və 2019-cu illərdə bu idman növündə Respublika çempionu olub. Ən böyük uğurunu isə bu ilin avqust ayında Çin Xalq Respublikasının Honkonq şəhərində keçirilən Çin Döyüş Növləri üzrə 15-ci Beynəlxalq Uşu Müsabiqəsi və Vinq-Çun üzrə 11-ci dünya çempionatında qazanıb. O, 30 ölkədən 2 mindən çox atletin iştirak etdiyi yarışmada bütün rəqiblərinə qalib gələrək qızıl medal qazanıb.
