Astara Rayon İcra Hakimiyyətinin başçısı Qəzənfər Ağayev növbəti səyyar qəbul-görüşü Pensər inzibati ərazi dairəsi üzrə nümayəndəliyinin Çayoba kəndində keçirib. Bu haqda məlumatı Cenublu.az bu gün, 4 noyabr tarixində verir.
Belə ki, rayonun idarə və müəssisə rəhbərlərinin iştirak etdiyi görüşdə kənddə olan yeniliklər barədə danışılıb. Bildirilib ki, son illər Çayobada yeni məktəb binası tikilib, məktəbə gedən yol asfaltlanıb, müasir çay fabriki, istirahət mərkəzləri və idman meydançası inşa edilib, qazlaşdırma aparılıb, internet xətti çəkilib və digər işlər görülüb.
Qəbulda vətəndaşların arzu və təklifləri dinlənilib və onların həyata keçirilməsi məqsədilə tədbirlər müəyyənləşdirilib.
Sonda icra başçısı Ələt-Astara-İran İslam Respublikası ilə dövlət sərhədi avtomobil yolunun (M-3) 217-ci kilometrdən 243-cü kilometrədək olan hissəsində aparılan əsaslı təmir işlərinin gedişi ilə tanış olub və tövsiyələrini verib.
