Bu gün Lerikdən olan Vətən müharibəsi şəhidi Elvin Səfərovun dünyaya göz açdığı gündür.
Azərbaycan Hərbi Dəniz Qüvvələrinin miçmanı, Aprel döyüşləri iştirakçısı, şəhid Elvin Səfərov 1989-cu ildə dekabrın 10-u Soru kəndində anadan olub.
O, Vətən müharibəsi zamanı Cəbrayılın, Xocavəndin, Qubadlının, Füzulinin azadlığı uğrunda gedən döyüşlərdə qəhrəmancasına savaşıb. Oktyabrın 31-də Xocavənd rayon Aşağı Veysəli kəndinin Qızılqaya yüksəkliyi istiqamətində döyüş zamanı qəhrəmancasına şəhid olub.
Noyabrın 1-i Soru kəndində dəfn olunub.
O, ölümündən sonra "Qarabağ" ordeni, "Vətən uğrunda", "Cəbrayılın azad olunmasına görə", “Füzulinin azad olunmasına görə”, “Xocavəndin azad olunmasına görə” və "Qubadlının azad olunmasına görə" medalları ilə təltif edilib.
