Lənkəran Ağır Cinayətlər Məhkəməsində hədə-qorxu ilə tələb etmədə ittiham olunan Cəfər Bayramovun işi üzrə məhkəmə iclası başa çatıb.
İttihama görə, o, 2025-ci ilin martında tanışı Cəmilə Vəliyevanı aldadaraq, guya hüquq-mühafizə orqanlarının onların münasibətindən xəbərdar olduğunu deyib, qadında qorxu yaradıb. Daha sonra adına kredit götürməsini xahiş edib və pulu qaytaracağına dair yalan vədlərlə onun etibarından sui-istifadə edərək bankdan götürdüyü 1400 manatı ələ keçirib.
Eyni ayın sonunda isə digər tanışını — Arif Ələkbərovu rüsvayedici videoları yaymaqla hədələyib. Bu yolla ondan əvvəlcə 2000 manat, daha sonra 250 və 200 manat tələb edərək alıb.
Beləliklə, Cəfər Bayramov ümumilikdə 2850 manat məbləğində vəsaiti hədə-qorxu ilə ələ keçirib. Onun daha əvvəl də məhkumluğu olub.
Hakim Ənnağı Məmmədlinin sədrliyi ilə keçirilən prosesdə hökm elan edilib: Cəfər Bayramov 7 il 6 ay müddətinə azadlıqdan məhrum edilərək cəzasını ciddi rejimli müəssisədə çəkəcək.
Qeyd edək ki, adlar şərtidir.
