Masallı şəhəri, İ.Əsgərli adına 3 nömrəli tam orta məktəbi fərqlənmə attestatı ilə bitirən Amin Əsədullayev 696.2 bal toplayaraq prezident təqaüdünə layiq görülüb.
Bakı Ali Neft Məktəbində Kompüter mühəndisliyi ixtisası üzrə təhsil alan Amin bildirib ki, bu status ona maddi dəstək və təhsil həyatında əlavə imkanlar yaradır.
“Prezident təqaüdçüsü olmaq mənim üçün böyük bir şərəfdir”, - deyə qeyd edən Amin magistratura üzrə təhsilini xaricdə davam etdirmək istəyir:
“Xaricdə təhsil almaq, həm də fərqli mədəniyyətlərdən olan insanlarla tanış olmaq, beynəlxalq aləmdəki təcrübələri öyrənmək və dünya səviyyəsində tanınmış alimlərlə və mütəxəssislərlə əməkdaşlıq etmək imkanı yaradacaq”.
