Rusiya Federasiyası Prezidentinin mətbuat katibi Dmitri Peskov Aktau yaxınlığında qəzaya uğrayan təyyarə barədə istintaqın yekunlarına qədər ölkəsi tərəfindən hər hansısa qiymətləndirmə verilməyəcəyini deyib.
Cenublu.az məlumat verir ki, bu fikirləri D.Peskov Moskvada keçirilən brifinq zamanı təyyarənin atəşə tutulması barədə məlumatlara Kremlin münasibətinə dair jurnalistlərin sualını cavablandırarkən söyləyib:
“Bir daha təkrar edirəm, artıq dediklərimə əlavə edəcəyim heç nə yoxdur. Bu aviasiya hadisəsi ilə bağlı araşdırma aparılır və onun sonunda hər hansı bir nəticə çıxarılana qədər biz özümüzü heç bir qiymət vermək hüququna malik hesab etmirik və etməyəcəyik. Bu barədə şərh vermək haqqına malik olmadığımızı hesab edirik”.
