Sentyabrın 19-dan başlayaraq Azərbaycan Respublikasının Silahlı Qüvvələri tərəfindən Qarabağ iqtisadi rayonunda keçirilən lokal xarakterli antiterror tədbirləri zamanı Ordumuzun daha dörd hərbi qulluqçusu şəhidlik zirvəsinə ucalıb. Bu haqda məlumatı Cenublu.az bu gün, 20 sentyabr tarixində verir.
Lənkəran rayonunun İstisu qəsəbəsindən olan Mirmusa Hüseynzadə, Astara rayonunun Kələdəhnə qəsəbəsindən olan leytenant Əli Rüstəm oğlu Babazadə, Yardımlı rayonunun Şıxlar kəndindən olan Tural Qulamhüseyn oğlu Cahangirov və Lerik rayonunun Cəngəmiran kəndindən olan Qafarov Savalan İsfəndiyar oğlu şəhid olublar.
