Astara rayonu sakinləri üçün səyyar qəbul baş tutub. Bu haqda məlumatı Cenublu.az bu gün, 28 oktyabr tarixində verir.
Belə ki, qəbula rayonunun Səncərədi, Deqədi, Şahağac və Şiyəkəran kəndlərindən olan sakinlər qatılıblar. Onlar fərdi yaşayış binasının qazlaşdırılması, qaz xəttinin köçürülməsi, küçə qaz xəttinin çəkilməsi, işlə təmin olunma ilə bağlı müraciətlər ediblər. Ünvanlanan bütün müraciətlər aidiyyəti üzrə yönləndirilmək üçün qeydiyyata alınıb.
Qeyd edək ki, aksiya çərçivəsində şəhid ailəsinin fərdi yaşayış evinin qazlaşması ilə bağlı müraciətinə yerində baxış keçirilib. Rayonun Nurupaşa küçəsində yerləşən evin birliyin daxili imkanları hesabına qazlaşdırılması qərara alınıb.
