İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri” publik hüquqi şəxsin idarə heyətinin sədri Nigar Alimova Lənkəranda vətəndaş qəbulu keçirəcək. Bu haqda məlumatı Cenublu.az bu gün, 9 sentyabr tarixində verir.
Qəbul 15 sentyabr saat 12:00-da Akademik Zərifə Əliyeva küçəsində yerləşən Lənkəran Heydər Əliyev Mərkəzində baş tutacaq.
Lənkəran, Astara və Lerik rayonlarından olan vətəndaşlar daşınmaz əmlakın qeydiyyatı, kadastrı və digər aidiyyəti məsələlərlə bağlı müraciət edə bilərlər.
Qəbula gəlmək istəyənlər (012) 510-93-33 və (055) 465-23-68 nömrəli telefonlarla və ya [email protected] elektron ünvanı vasitəsilə, həmçinin qurumun Lənkəran Ərazi İdarəsinə (telefon: (050) 3692043, elektron ünvan: [email protected]) 13 sentyabr saat 18:00-dək müraciət etməklə qeydiyyatdan keçə bilərlər.
