Neftçala rayonunda ölümlə nəticələnən yol-nəqliyyat hadisəsi baş verib.
Apa.аz xəbər verir ki, hadisə rayonun Qırmızıkənd kəndi ərazisində qeydə alınıb.
Belə ki, kənd sakini Yaşar Kərimovun idarə etdiyi “Toyota” markalı avtomobil idarəetmədən çıxaraq kanala aşıb. Qəza nəticəsində sürücü hadisə yerində həyatını itirib.
Məlumata görə, Yaşar Kərimov Neftçala sakini olub və əvvəllər Salyan Rayonlararası Psixiatriya Xəstəxanasında baş həkim vəzifəsində çalışıb.
Faktla bağlı araşdırma aparılır.
