Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin idarə heyətinin sədri Mustafa Abbasbəyli Astarada sakinlərlə görüş keçirəcək. Bu haqda məlumatı Cenublu.az bu gün, 10 yanvar tarixində nazirliyə istinadən verir.
Qəbul 19 yanvar tarixində saat 11:00-da İstiqlaliyyət küçəsi, 26b ünvanında yerləşən Heydər Əliyev Mərkəzinin inzibati binasında baş tutacaq.
Görüş əvvəlcədən tərtib edilmiş siyahı əsasında həyata keçiriləcək. Lakin şəhid ailələri üzvləri, müharibə əlilləri, eləcə də digər imtiyazlı şəxslər növbədənkənar qəbul olunacaqlar. Burada vətəndaşların işlə təmin olunma, özünüməşğulluq proqramından yararlanma, ictimai işlər, peşə hazırlığı kursları və qurumun fəaliyyətinə aid digər sahələrə dair məsələlərlə bağlı müraciətlər işıqlandırılacaq.
Qeyd edək ki, qəbulda iştirak etmək üçün 15 yanvar saat 14:00-dək (051) 508 15 85; 012 596 43 05 telefon nömrələri ilə əlaqə saxlamaq və ya [email protected] elektron poçt ünvanına məktub göndərmək lazımdır.
