Daşkəsən rayonunun keçmiş icra başçısı Əhəd Abıyev yenidən aktiv idmana qayıtdığını bildirib.
Bu barədə teleqraf.com-a keçmiş icra başçısı Əhəd Abıyevin özü məlumat verib.
“Hazırda trenajor zalındayam, aktiv idmana qayıtmışam, hər şey qaydasındadır”, – deyə o əlavə edib.
Əhəd Abıyev xəstəliyi ilə bağlı yayılan iddialara da aydınlıq gətirib:
“Yalan söhbətdir. Sağlam adamam, idmanımda, işimdə-gücümdəyəm”.
Əhəd Abıyev 1958-ci ildə yanvarın 15-i Masallı rayonunda anadan olub. O, Milli Məclisi I, II və III çağırış deputatı, 2011-2023-cü illərdə Daşkəsən Rayon İcra Hakimiyyətinin başçısı olub.
