Masallı 11 illik musiqi məktəbinin xanəndəlik sinfinin müəllimi Mahmud Abbasov 47 yaşında vəfat edib.
Cenublu.az xəbər verir ki, onun Bakı şəhərində əmisi oğlunun toy məclisində qəfil halı pisləşib və o, dünyasını dəyişib.
Qeyd edək ki, Mahmud Abbasov musiqi müəllimi olmaqla yanaşı öz məlahətli səsi ilə həm rəsmi tədbirlərin, həm də el şənliklərinin bəzəyi idi.
Mərhumun cənazəsi Bakı şəhərindən Masallıya gətirilir. Saat 16:00 radələrində dəfn olunacağı bildirilir.
Mahmud Abbasov doğulduğu Babaser kəndində torpağa tapşırılacaq.
Allah rəhmət eləsin!
