Masallı rayonunun Lürən kənd tam orta məktəbinin məzunu Hüseyn Şükürov IV ixtisas qrupu üzrə ali məktəblərə qəbul imtahanında yüksək nəticə göstərib.
Hüseyn buraxılış imtahanında 271,2, qəbul imtahanının ikinci cəhdində isə bütün sualları düzgün cavablandıraraq maksimum – 400 bal toplayıb. Onun ümumi nəticəsi 671,2 bal olub.
Məktəb illərində müxtəlif olimpiada və müsabiqələrdə uğurlar qazanan Hüseyn riyaziyyata sevgisinin riyaziyyatçı ailəsində böyüməsindən qaynaqlandığını bildirib. O, uğurunun əsas səbəbinin uzunmüddətli və sistemli hazırlıq olduğunu vurğulayıb.
Gələcəkdə tibb ixtisası üzrə təhsil almağı planlaşdıran məzun qazandığı nəticədə müəllimlərinin, xüsusilə fizika müəllimi Emil Bayramovun və kimya-biologiya müəllimi Fərasət İbadullayevin böyük dəstəyi olduğunu qeyd edib.
Mənbə: Azərbaycan müəllimi
