Masallı rayonunun Boradigah qəsəbəsindən olan həkim-cərrah İsmayıl Əsgərov Azərbaycan Prezidenti yanında Ali Attestasiya Komissiyasının qərarı ilə tibb üzrə fəlsəfə doktoru elmi dərəcəsinə layiq görülüb.
İsmayıl Mübariz oğlu Əsgərov 1 mart 1990-cı ildə Boradigah qəsəbəsində anadan olub. Orta təhsilini Boradigah qəsəbə 1 saylı tam orta məktəbində alıb və məktəbi fərqlənmə ilə bitirib. Təhsildə yüksək göstəriciləri sayəsində sinifdən-sinfə keçid imtahanı verərək sürətlə irəliləyib.
2006-cı ildə Azərbaycan Tibb Universitetinin Müalicə işi ixtisasına qəbul olunan İsmayıl Əsgərov, 2012-ci ildə ali təhsilini fərqlənmə diplomu ilə başa vurub. Daha sonra 2012–2017-ci illərdə Respublika Klinik Xəstəxanasında ümumi cərrahiyyə ixtisası üzrə rezidentura təhsili alıb.
İsmayıl Əsgərov 2019-cu ildə Azərbaycan Dövlət Həkimləri Təkmilləşdirmə İnstitutunun (ADHTİ) “Ümumi və plastik cərrahiyyə” kafedrasında doktoranturaya qəbul olunub və təhsilini uğurla başa vuraraq elmi dərəcəyə layiq görülüb.
Gənc alim və həkim İsmayıl Əsgərovu təbrik edir, elmi və peşəkar fəaliyyətində davamlı uğurlar arzulayırıq.
