Səfa Fətulla oğlu Axundov 19 iyun 1958-ci ildə Masallı rayonunda anadan olub.
Birinci Qarabağ müharibəsi zamanı Azərbaycanda baş verənləri dünya ictimaiyyətinə çatdırmaq məqsədilə 1988-ci idə Riqada “Dostluq” Azərbaycan Mədəniyyət Cəmiyyəti yaradılan vaxt Səfa Axundov həmin cəmiyyətin ilk sədri seçilib. Axundov 1989-cu ildə Bakıya qayıdaraq Zabrat “Azal-aero” aviaşirkətinin pilotu işləyib. O, Bakı-Ağdam marşrutu ilə uçurdu.
Milli Qəhrəman 28 yanvar 1992-ci ildə Şuşaya iki uğurlu uçuş edib. Lakin həmin gün üçüncü uçuş edilərkən Xankəndi istiqamətindən atılan raket vertolyotu vurub. Nəticədə 3 heyət üzvü və 40 nəfər sərnişin həlak olub. Bu, 20 noyabr 1991-ci ildə Qarakənd yaxınlığında baş verən hadisədən sonra ikinci böyük səma faciəsi idi.
Səfa Axundov 30 yanvar 1992-ci ildə Bakıda Şəhidlər xiyabanında dəfn olunub. O, göstərdiyi şücaətə görə Azərbaycanın Milli Qəhrəmanı adına layiq görülüb.
