Masallıda sanitariya-gigiyena qaydalarının pozulmasına görə bələdiyyə sədrinə protokol tərtib olunub. Bu haqda məlumatı Cenublu.az bu gün, 23 noyabr tarixində Report.az-a istinadən verir.
Masallı Rayon Polis Şöbəsi və Ekologiya və Təbii Sərvətlər Nazirliyinin əməkdaşları ətraf mühitin mühafizəsinin daha da gücləndirilməsi məqsədilə rayon ərazisində tədbirlər keçiriblər. Əməliyyatlar zamanı Eminli kəndi ərazisində sənaye və məişət tullantılarının qalaqlanması halı aşkarlanıb. Nəticədə bələdiyyənin sədri barəsində İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsi ilə inzibati tənbeh tədbiri tətbiq olunub.
Bundan əlavə, qanunsuz ov, mülki silahın saxlanması və daşınması qaydalarının pozulması hallarının qarşısının alınması istiqamətində görülən əlavə tədbirlər nəticəsində Ərkivan kəndi ərazisində qanunsuz ov etdiyinə görə rayon sakini R. Rəhimov cərimələnib. Həmçinin digər rayon sakini qanunsuz saxladığı ov silahını könüllü təhvil verib.
Bu istiqamətdə tədbirlər davam etdirilir.
[caption id="attachment_49032" align="alignnone" width="336"]
Foto Report.az[/caption]
[caption id="attachment_49031" align="alignnone" width="336"]
Foto Report.az[/caption]
