Vətən müharibəsi şəhidi Elvin Əzizovun övladı faciəvi şəkildə həlak olub.
Cenublu.az -ın əldə etdiyi məlumata görə, hadisə Masallı rayonun Qarğalıq kəndində baş verib.
Şəhidin oğlu Ayxan Əzizov ehtiyatsızlıqdan odlu silahdan açılan atəş nəticəsində həyatını itirib.
Qeyd edək ki, Azərbaycan Ordusunun giziri Elvin Əzizov Vətən müharibəsi zamanı Füzuli döyüşlərində şəhid olub. Ölümündən sonra “Vətən uğrunda” və "Füzulinin azad olunmasına görə" medalları ilə təltif edilib.
