Masallıda bir qrup gənc mükafatlandırılıb. Bu haqda məlumatı Cenublu.az bu gün, 7 oktyabr tarixində Masallı RİH-yə istinadən verir.
Belə ki, “Masallı Gənclər Evi” sosial xidmət müəssisəsində fəaliyyət göstərən “Tikiş və toxuculuq” dərnəyini uğurla başa vurmuş gənclərə diplomlar təqdim edilib.
Dərnəyin iştirakçıları tikiş və toxuculuq sənətinin sirlərinə yiyələnməsində əməyi keçənlərə minnətdarlıqlarını bildiriblər. Həm bu sənətin inkişafı, həm də özlərinin peşə bacarıq vərdişlərinin artırılması üçün həvəslə çalışacaqlarını söyləyiblər.
