Azərbaycan Respublikasının Qida Təhlükəsizliyi Agentliyinin (AQTA) əməkdaşları tərəfindən Masallıda qida sahəsində fəaliyyət göstərən müəssisələrdə həyata keçirilən monitorinqlər zamanı nöqsanlar müəyyən olunub. Bu haqda məlumatı Cenublu.az bu gün, 22 sentyabr tarixində verir.
Belə ki, Masallı rayonunun Türkoba kəndində yerləşən “Nuray” marketində qida təhlükəsizliyi qeydiyyatına dair çıxarışın olmaması, Şatıroba kəndində yerləşən "Seyid" marketində isə qeyd olunan nöqsandan əlavə, obliqat qrupuna daxil olan işçilərin ilkin və dövri tibbi müayinədən keçməməsi aşkarlanıb. Həmçinin aparılan monitorinqlər zamanı Boradigah qəsəbəsində yerləşən "Məkan" adlı restoranda obliqat qrupuna daxil olan işçilərin ilkin və dövri tibbi müayinədən keçməməsi müəyyən olub.
Aşkar edilmiş nöqsanların aradan qaldırılması ilə bağlı icrası məcburi göstərişlər verilib.
