Masallı şəhəri Heydər Əliyev Mərkəzində Lənkəran-Astara Regional Təhsil İdarəsi üzrə təhsil işçilərinin sentyabr konfransı keçirilib. Bu haqda məlumatı Cenublu.az bu gün, 5 sentyabr tarixində verir.
Konfransda elm və təhsil nazirinin müavini Həsən Həsənli, Masallı Rayon İcra Hakimiyyətinin başçısı Araz Əhmədov, Lənkəran-Astara Regional Təhsil İdarəsinin müdiri Elxan Nəcəfov, nazirliyin, eləcə də Astara, Cəlilabad, Lənkəran, Lerik, Masallı və Yardımlı rayonları üzrə təhsil sektorlarının əməkdaşları, həmin rayonlarda çalışan məktəb direktorları, müəllimlər iştirak ediblər.
Konfrans elm və təhsil nazirinin müavini Həsən Həsənlinin, Masallı Rayon İcra Hakimiyyətinin başçısı Araz Əhmədovun, Lənkəran-Astara Regional Təhsil İdarəsinin müdiri Elxan Nəcəfovun çıxışları ilə davam edib.
