Masallıda 27 Sentyabr - Anım Gününə həsr olunmuş "Tabuta sığmayanlar" tamaşası nümayiş olunub. Bu haqda bu gün, 28 sentyabr tarixində Cenublu.az Masallı Regional Mədəniyyət İdarəsinə istinadən xəbər verir.
Jurnalist-publisist Cəfər Cəfərovun eyniadlı pyesinin əsasında hazırlanmış "Tabuta sığmayanlar" adlı tamaşa-kompozisiyada Masallı rayon Mədəniyyət Mərkəzinin səhnəsində Masallı və Cəlilabad Xalq Teatrlarının aktyorları, Masallı Dövlət Regional Kollecinin tələbələri çıxış ediblər.
Nizami Gəncəvi adına Masallı rayon Mədəniyyət Mərkəzinində nümayiş etdirilən tamaşanı Masallı rayon İcra Hakimiyyətinin başçısı Araz Əhmədov, hüquq-mühafizə orqanlarının rəhbərləri, Masallı Regional Mədəniyyət İdarəsinin rəisi Bəxtiyar Qılıncov, şəhid ailələri və ictimaiyyət nümayəndələri izləyiblər.
"Tabuta sığmayanlar" tamaşasının rejissorluğu Cəmaləddin Əliyevə, səhnə tərtibatı Elsevər Əliyevə və musiqi tərtibatı isə Ruslan Zahidova həvalə edilib.
