Masallıda şəhidlərimizin əziz xatirəsini əbədiləşdirmək məqsədilə ağacəkmə aksiyası baş tutub. Bu haqda bu gün, 28 sentyabr tarixində Cenublu.az Masallı RİH-yə istinadən xəbər verir.
Ağacəkmə aksiyası 27 Sentyabr - Anım Günü ilə bağlı Masallı Rayon İcra Hakimiyyətinin təşəbbüsü ilə Sənaye Məhəlləsi ərazisində keçirilib.
Tədbirdə icra başçısı Araz Əhmədov, dövlət qurumlarının nümayəndələri, şəhid ailələri, qazilər, rayon ziyalıları, eləcə də rayon ictimaiyyətinin nümayəndələri iştirak ediblər.
Sonda Araz Əhmədov şəhidlərin xatirəsinə əkilən həmin ağacların vaxtlı-vaxtında mühafizə olunmasını, suvarılmasını və qorunmasını aidiyyəti şəxslərə tapşırıb.
