Mədəniyyət İşçiləri Həmkarlar İttifaqının Masallı rayon Komitəsinin sədri Vəkil İsmailovun rəhbərliyi ilə rayonun mədəniyyət müəssisələrinin əməkdaşları Masallı şəhərində, rayonun Musaküçə, Çaxırlı kəndlərində, Ərkivan qəsəbəsində yaşayan qazi və şəhid ailələrini ziyarət ediblər. Bu haqda məlumatı Cenublu.az bu gün, 7 noyabr tarixində verir.
Görüş zamanı ölkəmizin qəhrəman öğullarının Vvətən torpağı uğrunda gedən döyüşlərdə göstərdiyi şücaətdən danışılıb. Müharibədə şəhid olan qəhrəmanlarımızın xatirəsi hörmətlə yad edilib. Zəfərin qazanılmasında Ali Baş Komandan İlham Əliyev başda olmaqla şanlı Azərbaycan Ordusuna, qanları ilə tarix yazan şəhidlərimizə və qəhrəman qazilərimizə minnətdarlıq ifadə edilib.
Görüş zamanı şəhid valideynləri, qazilər də öz növbəsində onlara göstərilən qayğı və ehtirama görə təşəkkürlərini bildiriblər.
