Masallıda Musaküçə və Təzə Alvadı kəndlərində yaşayan qazi və şəhid ailələri ziyarət olunub. Bu haqda məlumatı Cenublu.az bu gün, 22 sentyabr tarixində verir.
Ziyarət zamanı Mədəniyyət İşçiləri Həmkarlar İttifaqının Masallı rayon Komitəsinin sədri Vəkil İsmailov və Lənkəran-Astara Regional Mədəniyyət İdarəsinin sturukturuna daxil olan Masallı rayon mədəniyyət müəssisələrinin əməkdaşları Azərbaycanın qəhrəman oğullarının torpaqlarımızın işğaldan azad edilməsi uğrunda qanlı döyüşlərdə göstərdiyi igidliklərdən bəhs ediblər. Onlar müharibədə şəhid olan qəhrəmanlarımızın xatirəsinin qəlbimizdə əbədi yaşayacağını vurğulayıblar.
Sonra Mədəniyyət İşçiləri Həmkarlar İttifaqının Masallı rayon Komitəsinin tədarük etdiyi bayram sovqatları ailələrə təqdim olunub.
