Masallıda gənclər üçün "Gələcəyin peşələri və ixtisaslar" adlı seminar təşkil olunub. Bu haqda məlumatı Cenublu.az bu gün, 23 noyabr tarixində verir.
Təlim karyera mələhətçisi Orxan Əliyevin təqdimatı əsasında keçirilib. Burada "Hansı ixtisaslara ehtiyac qalmayacaq", "Gələcəyin peşələri", "İxtisasımızı seçərkən nələrə diqqət etməliyik" kimi mövzular müzakirə edilib.
Belə ki, interaktiv təlim zamanı gənclər öz maraq və bacarıqları ilə bağlı suallar verib, güclü və zəif tərəflərini müəyyən ediblər.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə sektorunun və GİKM-in Lənkəran-Astara Regional nümayəndəliyinin birgə təşkilatçılığı ilə həyata keçirilib.
