Masallı şəhərində "Dayanıqlı İnkişaf Məqsədləri və insan hüquqları" adlı təlim keçirilib. Bu haqda məlumatı Cenublu.az bu gün, 20 dekabr tarixində verir.
Tədbir Dəfnə məktəb-liseyində təşkil edilib. Burada Lənkəran-Astara Regional Gənclər və İdman İdarəsinin Masallı rayonu üzrə sektorunun əməkdaşları, Ombudsmanın Cənub Regional Mərkəzinin rəhbəri, müəllimlər və şagidlər iştirak ediblər.
Seminar çərçivəsində insan hüquqları nəzəriyyəsinin yaradılması və inkişafı, Azərbaycan Respublikasında insan hüquq və azadlıqlarının müdafiəsi sahəsində aparılan dövlət siyasəti, “Dayanıqlı İnkişaf Məqsədləri”nin (DİM) sosial, iqtisadi və ekoloji hüquqlarla əlaqəsi və DİM məqsədlərinin icrasına nail olmağın yolları haqqında məlumatlar verilib.
Görüş Lənkəran-Astara Regional Gənclər və İdman İdarəsinin Masallı rayonu üzrə sektorunun tərəfindən təşkil olunub.
