Masallıda “Narkomaniyaya və erkən nikaha yox deyək!” mövzusunda maarifləndirici görüş keçirilib. Bu haqda məlumatı Cenublu.az bu gün, 10 oktyabr tarixində verir.
Tədbir Masallı Rayon İcra Hakimiyyətinin, Masallı Rayon Polis Şöbəsinin, Lənkəran-Astara Regional Gənclər və İdman İdarəsinin Masallı rayon sektorunun və Lənkəran-Astara Regional Təhsil İdarəsinin Masallı rayon Şöbəsinin birgə təşkilatçılığı ilə Boradigah qəsəbə 2 nömrəli tam orta məktəbində təşkil edilib.
Tədbirdə Masallı Rayon Polis Şöbəsinin, Masallı Rayon İcra Hakimiyyətinin İctimai və Humanitar məsələlər üzrə şöbəsinin, Lənkəran-Astara Regional Təhsil İdarəsinin Masallı rayonu üzrə Təhsil sektorunun, Lənkəran-Astara Regional Gənclər və İdman İdarəsinin Masallı rayon sektorunun əməkdaşları, müəllimlər və yuxarı sinif şagirdləri iştirak ediblər.
Çıxışlarda narkomaniyanın törədə biləcəyi fəsadlardan və erkən nikaha daxilolma kimi neqativ halların ağır nəticələrindən danışılıb.
Sonra isə Masallı Rayon Polis Şöbəsinin əməkdaşı narkotik vasitələrin səbəb olduğu fəsadlar haqqında danışaraq acı təsirləri barədə videoçarxı şagirdlərə təqdim edib.
Tədbirin sonunda şagirdləri maraqlandıran suallar cavablandırılıb.
[caption id="attachment_46171" align="alignnone" width="336"]
Lənkəran-Astara Regional Gənclər və İdman İdarəsi[/caption]
