Masallıda ümummilli lider Heydər Əliyevin 100 illik yubileyinə həsr olunmuş “Heydər Əliyev Azərbaycan multikulturalizminin siyasi banisidir” mövzusunda seminar təşkil olunub. Bu haqda məlumatı Cenublu.az bu gün, 30 sentyabr tarixində verir.
Seminarda Azərbaycan Respublikası Prezidentinin İşlər İdarəsi Prezident Kitabxanasının şöbə müdiri, tarix üzrə fəlsəfə doktoru Nazim Mustafa, Bakı Beynəlxalq Multikulturalizm Mərkəzinin aparıcı məsləhətçisi Araz Qurbanov, rayon rəsmiləri, ağsaqqallar, dini icma sədrləri, təhsil və mədəniyyət işçiləri, gənclər, həmçinin rayon ictimaiyyətinin digər nümayəndələri iştirak ediblər.
Tədbirdə iştirakçılara “Heydər Əliyev və multikulturalizm” adlı sənədli film nümayiş olunub və sonda seminar müzakirələrlə yekunlaşıb.
Seminar Rayon İcra Hakimiyyəti və Bakı Beynəlxalq Multikulturalizm Mərkəzinin birgə təşkilatçılığı ilə keçirilib.
