Masallıda meşə massivi gizli şəkildə çirkləndirilir.
Teleqraf.com xəbər verir ki, "Yanar dağ" istirahət mərkəzinin yaxınlığında yerləşən ailəvi piknik ərazisində toplanan tullantılar xüsusi bağlamalar halında meşə massivinə atılır.
Zibil torbaları əsasən Viləşçay sahilindəki kolluq ərazilərdə gizlədilməyə çalışılır. Lakin zamanla polietilen torbaların sıradan çıxması nəticəsində tullantılar ətrafa yayılır və meşəlik ərazi çirklənir.
Əraziyə istirahətə gələn sakinlər bildirirlər ki, zibillərin daşınması buranı birgünlük kirayə verən şəxslərin məsuliyyətində olsa da, onlar bu məsələyə laqeyd yanaşırlar. Nəticədə həm meşə massivi, həm də Viləşçay su hövzəsi ekoloji təhlükə ilə üz-üzə qalır.
