Masallı rayonu, İsgəndərli kəndində fəaliyyət göstərən Həşimli Mais Təvəkgül oğluna məxsus marketdə Qida Təhlükəsizliyi Agentliyinin əməkdaşları tərəfindən yoxlama aparılıb.
Cenublu.az xəbər verir ki, yoxlama zamanı normativ hüquqi aktların tələblərinin pozulduğu müəyyən edilib. Belə ki, marketdə “Piterskaya”, “Губернаторская”, “Organic”, “Документ” əmtəə nişanlı, mənşəyi məlum olmayan saxta alkoqollu içkilər aşkarlanıb. Həmin məhsullar dərhal satışdan kənarlaşdırılıb.
Normativ-texniki tələblərə cavab verməyən məhsullarla bağlı məhdudlaşdırıcı qərar qəbul edilib. Fakt üzrə inzibati protokol tərtib olunub, nümunələr götürülərək laborator müayinələrə göndərilib.
Hazırda araşdırmalar davam etdirilir.
