R.Əlihəsənov adına Masallı şəhər 1 nömrəli tam orta məktəbində sağlam həyat tərzi və idmanın təbliği məqsədilə tədbir təşkil olunub. Bu haqda məlumatı Cenublu.az bu gün, 24 noyabr tarixində verir.
Belə ki, görüş zamanı rayonda idmanın inkişafı üçün yaradılmış şərait və fəaliyyət göstərən idman bölmələri haqqında ətraflı məlumat verilib, həmçinin rayonda görülmüş işlərdən danışılıb. Daha sonra iştirakçıları maraqlandıran suallar cavablandırılıb və təkliflər dinlənilib.
Görüşdə Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun əməkdaşları, məktəbin direktor müavini, cüdo idman növü üzrə Əməkdar məşqçi Xanağa Quliyev, taekvondo idman növü üzrə yeniyetmələr arasında Azərbaycan çempionu Mətləb Əliyev və məktəbin şagirdləri iştirak ediblər.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun təşkilatçılığı ilə keçirilib.
