Masallı rayonunda “Könüllülük – uğur formulu” adlı görüş baş tutub. Bu haqda məlumatı Cenublu.az bu gün, 26 sentyabr tarixində verir.
Görüşdə “Masallı Gənclər Evi” sosial xidmət müəssisəsinin kollektivi, Masallı rayonu üzrə gənclər və idman sektorunun baş məsləhətçisi Oktay Ağayev və Masallı Dövlət Regional Kollecinin müəllim və tələbələri iştirak ediblər.
Çıxış edənlər könüllülük fəaliyyətinin gənclərin işgüzarlığının, bilik və bacarığının artırılmasında, dünyagörüşünün genişlənməsində rolunu vurğulayıblar və könüllülərin şəxsi inkişafına, onlara vətənpərvərlik ideyalarının aşılanması istiqamətləri barədə ətraflı məlumat veriblər.
Görüş Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və “Masallı Gənclər Evi” sosial xidmət müəssisəsinin birgə təşkilatçılığı ilə baş tutub.
