Masallı rayonunda çalışan kənd təsərrüfatı sahibkarları üçün “Masallı rayonunda aqroturizm sahibkarlıq fəaliyyətinin qurulması və təşviqi” layihəsinin təqdimatı olub. Bu haqda məlumatı Cenublu.az bu gün, 8 sentyabr tarixində verir.
Tədbiri giriş sözü ilə açan layihə rəhbəri Rafət Şirəliyev qeyd edib ki, layihə çərçivəsində məlumatlandırmadan sonra seçiləcək 15 sahibkar üçün 3 müxtəlif günlük təlimlər həyata keçiriləcək və layihə çərçivəsində mal-material dəstəyi göstəriləcək. Həmçinin qurulacaq aqroturizm təsərrüfatlarının marketinq işləri görüləcək və həmin yerlərə infoturlar təşkil ediləcək.
“Yeni həyat” ictimai-siyasi qəzetinin əməkdaşı Akif Ağayev bildirib ki, tədbirdə iştirak edən 20-dən çox kənd təsərrüfatı sahibkarı üçün layihənin eksperti Samir Axundov və təlimçisi Samir Salayev tərəfindən “Aqroturizm nədir?”, “Aqroturizmin imkanları və faydaları”, “Aqroturizmin iqtisadi təsiri” və s. mövzularında təqdimatlar keçirilib.
Tədbir sonunda sahibkarlara sertifikatlar təqdim edilib.
