Masallı rayon Heydər Əliyev Mərkəzində “Heydər Əliyev İli” çərçivəsində “Heydər Əliyevin həyatı müasir gəncliyin gözü ilə” mövzusunda dəyirmi masa keçirilib. Bu haqda məlumatı Cenublu.az bu gün, 29 noyabr tarixində verir.
Masallı rayon Heydər Əliyev Mərkəzinin, Gənclərin İnkişaf və Karyera Mərkəzinin (GİKM) Lənkəran-Astara Regional nümayəndəliyinin Masallı bölməsinin birgə təşkilatçılığı ilə keçirilən tədbirdə gənclər, təşkilatçı qurumların rəhbərləri və əməkdaşları iştirak ediblər.
Tədbir zamanı Azərbaycan dövlətçiliyi tarixində müstəsna, əvəzsiz xidmətləri ilə əbədilik qazanan, adı müasir Azərbaycan tarixi ilə əbədiləşən xalqın ümummilli liderinin mənalı həyat yolu, zəngin və çoxşaxəli irsinin tədqiqi haqqında ətraflı məlumat verilib.
Diskussiya şəklində keçən tədbirdə gəncləri maraqlandıran suallar cavablandırılıb.
