Masallı rayon Mərkəzi Kitabxanasında Hadrut qəsəbəsinin işğaldan azad olunması günü ilə əlaqədar tədbir keçirilib. Bu haqda məlumatı Cenublu.az bu gün, 10 oktyabr tarixində verir.
Tədbirdə Xocavənd rayonunun Hadrut qəsəbəsinin azad olunmasının Azərbaycanın Vətən müharibəsindəki tarixi Zəfərinə aparan yolda mühüm dönüş yaratdığı bildirilib. Həmçinin vurğulanıb ki, Azərbaycan ordusunun sentyabrın 27-də başladığı əks-hücum əməliyyatları nəticəsində Hadrut qəsəbəsi oktyabrın 9-da erməni işğalçılarından xilas edilib. Dövlət başçısı, Ali Baş Komandan İlham Əliyevin televiziya ilə xalqa müraciətində Qarabağda çox sayda yaşayış məntəqəsinin və Hadrut qəsəbəsinin işğaldan azad edilməsini müjdə verməsi vətəndaşlarımıza unudulmaz sevinc hissi bəxş edib.
Qeyd edilib ki, Hadrutun azad olunması zamanı ordumuzun Ermənistan qoşunlarına qarşı həyata keçirdiyi uğurlu döyüş əməliyyatı Azərbaycan hərb tarixinə şərəfli səhifə kimi daxil olub.
