Masallı şəhər Heydər Əliyev Parkında Masallı Rayon İcra Hakimiyyəti, Lənkəran-Astara Regional Gənclər və İdman İdarəsi və Lənkəran-Astara Regional Mədəniyyət İdarəsinin birgə təşkilatçılığı ilə "31 Dekabr - Dünya Azərbaycanlılarının Həmrəylik Günü”nə həsr olunmuş “Gənclər və idmançıların həmrəylik festivalı” keçirilib.
Cenublu.az xəbər verir ki, festival iştirakçıları idmançıların nümunəvi çıxışlarına, Masallı Gənclər Evi SXM-nin, Masallı Dövlət Rəsm Qalereyasının, Masallı rayon Tarix-Diyarşünaslıq Muzeyinin, Əlil Sahibkarlar İctimai Birliyinin, Masallı rayon Mərkəzi Kitabxana sisteminin, Regional İnkişafın Dəstəklənməsi İctimai Birliyinin və Masallı 11 illik incəsənət məktəbinin stendlərinə baxış keçirib, digər qurumların hazırladıqları təqdimat stendləri ilə yaxından tanış olublar.
Çıxışlardan sonra tədbir Masallı Uşaq Gənclər İdman Məktəbinin, Masallı Uşaq Gənclər İdman Şahmat Məktəbinin, Masallı PFK-in idmançılarının nümunəvi çıxışları ilə davam edib. Qonaqlar nümunələri izlədikdən sonra il ərzində yüksək nəticə qazanan idmançılar və məşqçi müəllimlər, eyni zamanda fəallığı ilə seçilən təşəbbüskar gənclər Lənkəran–Astara Regional Gənclər və İdman İdarəsinin təşəkkürnamələri ilə təltif ediliblər.
Tədbir musiqi proqramı ilə davam edib.
