Masallı rayonunda “Fiziki məhdudiyyətli vətəndaşların cəmiyyətə inteqrasiyası” mövzusunda tədbir həyata keçirilib. Bu haqda məlumatı Cenublu.az bu gün, 24 noyabr tarixində verir.
Belə ki, toplantı Masallı Uşaq Günərzi Qayğı Mərkəzində baş tutub. Burada kitabxananın əməkdaşı Şəmsurə Nəsirova çıxış edərək bildirib ki, dövlət tərəfindən fiziki əngəlli şəxslərin cəmiyyətə inteqrasiyası və onların sosial müdafiəsi təmin olunur. Həmçinin qeyd olunub ki, kitabxananın fiziki məhdudiyyətli oxucuları üçün müəssisədə və evlərdə qiraət saatı, sərgilər həyata keçirilir.
Tədbirdən sonra kitabxana işçiləri sağlamlıq imkanları məhdud rayon sakininə baş çəkiblər və ona kitablar haqqında məlumat veriblər.
Qeyd edək ki, görüş rayon Mərkəzi Kitabxanasının təşkilatçılığı ilə keçirilib.
