Masallının Bala Təklə kəndində şəhid Yavər Ağayevin ailəsi üçün birmərtəbəli fərdi yaşayış evi tikilib. Bu haqda məlumatı Cenublu.az bu gün, 13 dekabr tarixində verir.
Evin açılış mərasimində Masallı rayon İcra Hakimiyyətinin başçısı Araz Əhmədov və aparatı, digər rayon rəsmiləri iştirak ediblər.
Şəhidin ailə üzvləri – anası, 5 qız, 7 oğlan anası Xədicə Süleymanova, bacısı Rahidə Ağayeva, həmin kənddən olan veteran polis Əlifağa İbrahimov və başqaları onlara göstərilən diqqət və qayğıya görə minnətdarlıqlarını bildiriblər.
Qeyd edək ki, Yavər Ağayev 1972-ci ildə Masallı rayonunun Bala Təklə kəndində anadan olub.
1992-ci ilin 8 sentyabr tarixində könüllü olaraq Azərbaycan Milli Ordusuna qoşulub, Zəngilan rayonunun sərhədyanı bölgələrinin erməni quldurlarından müdafiə olunmasında iştirak edib. 6 noyabr tarixində Zəngilanın Qazançı kəndi uğrunda gedən döyüşlərdə qəhrəmancasına şəhid olub.
[caption id="attachment_50292" align="alignnone" width="336"]
Foto Masallı Rayon İcra Hakimiyyəti[/caption]
