Masallıda cüdo üzrə Uşaq Gənclər İdman Məktəbinin (UGİM) turniri keçirilib.
Cenublu.az Masallı rayon UGİM-ə istinadən xəbər verir ki, dekabrın 10-11-də Lənkəran-Astara Regional Gənclər və İdman İdarəsinin təşkilatçılığı ilə yeniyetmələr arasında cüdo üzrə Masallı rayon UGİM-in turniri keçirilib.
Masallı şəhər N.Nərimanov adına 2 saylı tam orta məktəbin idman zalında keçirilən turnirdə 10 çəki dərəcəsində 45 idmançı iştirak edib.
Turnirin keçirilməsində məqsəd rayonda cüdonun təbliği, idmanın kütləviliyinə nail olmaq, yeniyetmələrin cüdoya marağını artırmaqdan ibarətdir.
Turnirdə qalib gələn idmançılar Lənkəran-Astara Regional Gənclər və İdman İdarəsinin diplom və medalları ilə təltif olunub.
