Masallıda bazarın qəsdən yandırıldığı iddia edilir. Bu haqda məlumatı Cenublu.az bu gün, 6 oktyabr tarixində Oxu.az-a istinadən verir.
Bazarın yeni sahibi Afər Cahangirov bildirib ki, bazarın əvvəlki sahibi ilə aralarında narazılıqlar olub. O, bazara təyin olunduqdan sonra qanunsuzluqlara son qoymağa çalışıb, bu isə satıcılarla yeni problemlərin yaranmasına səbəb olub.
“Çox güman ki, yanğın qəsdən törədilib”, – deyə o vurğulayıb.
Qeyd edək ki, yanğın nəticəsində 5 kişi Masallı Rayon Mərkəzi Xəstəxanasına təxliyə olunub. 1 nəfərə sol qolun kəsilmiş yaraları, 4 nəfərə tüstü zəhərlənməsi diaqnozu ilə ilkin tibbi yardım göstərilib.
Onların vəziyyətləri stabil qiymətləndirilir.
