Masallıda "Vətənin izində" layihəsi çərçivəsində "Azərbaycan və Türk tarixinin dünyada təbliğ olunması" mövzusunda tədbir təşkil olunub. Bu haqda məlumatı Cenublu.az bu gün, 2 sentyabr tarixində verir.
Tədbirdə tarix müəllimləri, qurum əməkdaşları və gənclərin iştirakçılığı ilə Azərbaycan və Türk tarixinin mədəni irsinin dünyada təbliğ olunmasından, türklərin tarix və mədəniyyətinin qədimliyidən, müasir dünyada türk xalqlarının və dövlətlərinin birliyindən, adət və ənənələrindən danışılıb.
Qeyd edək ki, tədbir Gənclərin İnkişaf və Karyera Mərkəzinin Lənkəran-Astara regional nümayəndəliyinin Masallı bölməsinin və Masallı Tarix-Diyarşünaslıq Muzeyinin birgə təşkilaçılığı ilə baş tutub.
