Masallı rayon Heydər Əliyev Mərkəzində Ağdam və Kəlbəcər Şəhərləri Günü münasibətilə ümumrayon tədbiri keçirilib. Bu haqda məlumatı Cenublu.az bu gün, 25 noyabr tarixində verir.
Tədbir başlamazdan öncə Masallı şəhər Heydər Əliyev parkında yerləşən ulu öndərin abidəsinin qarşısı və Qəhrəmanlar parkında yerləşən şəhidlər abidə kompleksinə gül qoyulub. Daha sonra Masallı Rayon İcra Hakimiyyətinin başçısı Araz Əhmədov və aparatı, hüquq-mühafizə orqanlarının, idarə, müəssisə və təşkilatların rəhbərləri, ərazi nümayəndələri, bələdiyyələr, məktəb direktorları, şəhid ailələri, qazilər, Ağdam rayonundan məcburi köçkün ailələri və mətbuat nümayəndələri iştirak ediblər.
Çıxışlardan sonra tədbir İ.Nağıyev adına Boradigah qəsəbə 2 saylı tam orta məktəbi şagirdlərinin təqdimatında “Yaşa, mənim xalqım” adlı kompozisiya ilə yekunlaşıb.
