Masallı rayon Mərkəzləşdirilmiş Kitabxana Sisteminin Abasbəyli-Xəlfələr kənd kitabxana filialında “27 sentyabr – Vətən müharibəsindən Zəfərə gedən yol” mövzusunda tədbir keçirilib. Bu haqda məlumatı Cenublu.az bu gün, 19 sentyabr tarixində verir.
İcra nümayəndəliyinin və kənd tibb məntəqəsi əməkdaşlarının da qatıldığı tədbirə başlamazdan öncə ulu öndər Heydər Əliyevin və şəhidlərin xatirəsi bir dəqiqəlik sükutla yad edilib.
Tədbirdə çıxış edənlər bildiriblər ki, 27 sentyabr dövlətçilik tariximizin ən gərgin və həlledici günü kimi yaddaşlara əks olunub. 27 sentyabrdan başlayaraq 44 gün davam edən Vətən müharibəsi Milli Ordumuzun sarsılmaz gücünü əks etdirib. Qeyd olunub ki, qələbə xalqımıza inam və ruh hissi aşıladı, cəbhə boyunca əks-hücum əməliyyatlarına başlayan Milli Ordu sürətlə düşmənə ağır zərbələr endirməyə başladı. Qarabağ torpaqları işğaldan azad edildi və 10 noyabr 2020-ci ildə Azərbaycan, Ermənistan və Rusiya arasında üçtərəfli atəşkəs müqaviləsi imzalandı.
Diqqətə çatdırılıb ki, Azərbaycan tarixinə qızıl hərflərlə yazılan möhtəşəm qələbə Ali Baş Komandan İlham Əliyevin məqsədyönlü və uzaqgörən siyasətinin nəticəsində mümkün olub.
