Masallı rayon Mərkəzi Kitabxanasında 27 Sentyabr - Anım Gününə həsr olunmuş “Zəfərlə sona çatan Vətən müharibəsi” adlı tədbir keçirilib. Bu haqda məlumatı Cenublu.az Masallı Regional Mədəniyyət İdarəsinə istinadən verir.
Tədbirdə Şərəfə kənd orta məktəbinin şagirdləri iştirak ediblər.
Əvvəlcə tədbirdə ərazi bütövlüyümüz uğrunda şəhid olan Vətən övladlarının xatirəsi bir dəqiqəlik sükutla yad edilib.
Çıxışlar zamanı şanlı zəfər tariximizdən, torpaqlarımızın düşmən təcavüzündən azad edilməsində misilsiz qəhrəmanlıq göstərən Vətən müharibəsi şəhidi və qazilərinin göstərdikləri şücaət və fədakarlıqdan söhbət açılıb.
Daha sonra 44 gün davam edən Vətən müharibəsinin İlham Əliyevin rəhbərliyi altında xalq-ordu birliyinin möhtəşəm qələbəsi ilə başa çatmasının hər bir Azərbaycan vətəndaşının qəlbində böyük qürur və iftixar hissi yaratdığından və Vətən müharibəsində şəhidlik zirvəsinə ucalan igidlərin qəhrəmanlıqlarından bəhs edilib.
