Masallı-Yardımlı yolunda hərəkət edən avtomobildə külli miqdarda narkotik vasitə və həblər aşkarlanıb. Bu haqda məlumatı Cenublu.az bu gün, 2 oktyabr tarixində verir.
Belə ki, Yardımlı Rayon Polis Şöbəsi əməkdaşlarının keçirdikləri əməliyyat tədbirləri nəticəsində Ramil Bəkirovun idarə etdiyi "Renault" markalı avtomobilə baxış zamanı həmin nəqliyyat vasitəsinin yük yerindən ayrı-ayrı bağlamalarda qablaşdırılmış ümumilikdə 20 kiloqram marixuana və 1000 ədəd metadon həbi aşkarlanaraq götürülüb. Bundan əlavə, şəxsi axtarış zamanı avtomobildə sərnişin kimi əyləşən Sevilə Səmədovanın üzərində metamfetamin aşkarlanıb.
Hər iki şəxs barəsində məhkəmənin qərarı ilə həbs qətimkan tədbiri seçilib.
Faktla bağlı Yardımlı RPŞ-də araşdırma aparılır.
