Masallı rayonunun Birinci Yeddioymaq kənində 44 günlük Vətən müharibəsinin şəhidi, baş leytenant Əlimərdan Fəttah oğlu Quluzadənin anım mərasimi keçirilib. Bu haqda məlumatı Cenublu.az bu gün, 8 oktyabr tarixində Masallı rayon İcra Hakimiyyətinə istinadən verir.
Anım mərasimində Masallı Rayon İcra Hakimiyyətinin başçısı Araz Əhmədov və aparatı, hüquq-mühafizə orqanlarının rəhbərləri, YAP Masallı Rayon Təşkilatının fəalları, din xadimləri, şəhid ailələri və kənd sakinləri iştirak ediblər.
Şəhid baş leytenant Əlimərdan Quluzadənin ailəsini ziyarət edən Masallı rayon İcra Hakimiyyətinin başçısı və qonaqlar ailənin qayğıları ilə maraqlanıb və hər zaman onların yanında olduqlarını bildiriblər.
Qeyd edək ki, Əlimərdan Quluzadə Füzuli döyüşləri zamanı şəhid olub. Ölümündən sonra “Füzulinin azad olunmasına görə”, “Cəbrayılın azad olunmasına görə” və “Vətən uğrunda” medalı ilə təltif olunub.
