Masallı Tarix-Diyarşünaslıq Muzeyində Əməkdar müəllim, Böyük Vətən müharibəsi veteranı, rayon muzeyinin yaradıcısı Rəhim Kərim oğlu Tağıyevin anım gününə həsr olunan tədbir keçirilib. Bu haqda məlumatı Cenublu.az bu gün, 10 oktyabr tarixində verir.
Əvvəlcə şəhidlərin və Rəhim Tağıyevin xatirəsi ehtiramla yad olunub.
Çıxışlarda 22 il bundan əvvəl vəfat edən, ömrünün çox hissəsini rayonda muzey işinin yaradılması, bölgənin qədim tarixinin araşdırılaraq üzə çıxarılmasına həsr edən, öz dövründə rayonun ictimai işlərində fəal olan, fədakar, vətənpərvər, əməksevər, dürüst və xeyirxah əməlləri ilə çoxlarının yaddaşına həkk olunan Rəhim Kərim oğlu Tağıyevin həyat yolundan bəhs edilib.
